|

Affaires criminelles concernant des officiers monétaires (sous-série Z1b, Archives nationales)

Poitiers

1476

1476, 1er avril
Guillaume Acarle, dit de Bellac, commis à l'office de garde de la Monnaie de Poitiers, relate en la Chambre des monnaies "que ung nommé Raoullet Bricheteau, orfèvre, demourant aud. lieu de Poictiers, s'estoit entremis et meslé de rougner des escuz, et que pour plus amplement informer justice de la vérité qu'il lui feust baillé commission pour faire examiner tesmoings sur lesd. charges et accusacions" (Z1b 30 f° 24v°).

1476, 26 juillet
Guillaume Acarle, dit de Bellac, commis à l'office de garde de la Monnaie de Poitiers. Affaire de Raoullet Brisseteau (Z1b 30 f° 24v°).

1478

1478, 2 juillet
François Audier, maître particulier des Monnaies de Limoges et Poitiers. Défaut (Z1b 30 f° 62r°).

1478, 27 août
Guillaume de Bellac, garde de la Monnaie de Poitiers / Raoullet Brisseteau, orfèvre à Poitiers. Appointement (Z1b 5 f° 80v°).

1486

1486, 17 février
Sentence à l'encontre d'Hilaire Boilève, maître particulier de la Monnaie de Poitiers, et des deux gardes, pour écharceté de loi trouvé en une boîte d'écus d'or au soleil (Z1b 30 f° 124r°).
"Vendredi XVIIe jour de février mil CCCCIIIIxx et cinq Hylairet Boilesve, maistre particulier de la Monnoye de Poictiers, pour raison d'une boiste d'escuz d'or au soleil par lui faicte en lad. Monnoye dont ont esté faictes deux délivrances les XIXe et XXe jours de décembre mil CCCCIIIIxx et cinq, en laquelle boiste avoit V deniers d'or desd. escuz jugée escharce de loy en sa présence trois quars de carat d'or fin pour marc qui est excédé le remède de demy-carat et ung VIIIe de carat d'or fin pour marc, fut led. Boislève comdenné [sic] en amende envers le roy à la somme de vint-cinq livres tournois, et les deux gardes de lad. Monnoye pour les négligences et avoir délivré lesd. escuz ainsi hors lesd. remèdes ont aussi esté comdennez [sic] envers le roy, notredit sire, chacun d'eulx à la somme de douze livres dix solz tournois d'amende, ès fraiz de justice telz que de raison et à tenir prison où il jusques à plain payement et satisfacion desd. sommes".

1486, 26 mai
Hilaire Boilève, maître particulier de la Monnaie de Poitiers, et Pierre Rideau, garde. Ajournés à comparaître en la Chambre des monnaies "pour raison de certain escu trouvé courant par les bources qui estoit grandement hors le remède de loy", sont "eslargis partout" (Z1b 30 f° 127r°).

1489, 29 juillet
Sentence à l'encontre d'Hilaire Boilève, maître particulier de la Monnaie de Poitiers, et les deux gardes (dont Hilaire de Coustures), "pour raison de la somme de neuf livres quatre solz tournois de grans blans au K faiz et forgez en lad. Monnoye et lesquelz ont esté trouvez feibles en deux marcs trois deniers et demy" (Z1b 30 f° 169v°).
"Le XXIXe jour de juillet mil IIIIcIIIIxx et neuf les deux gardes de la Monnoye de Poictiers, pour raison de la somme de neuf livres quatre solz tournois de deniers grans blans au K faiz et forgez en lad. Monnoye et lesquelz deniers ont esté trouvez feibles en deux marcs trois deniers et demy, et après ce que Hylaire Boilesve, maistre particulier de lad. Monnoye, et Hylaire de Coustures, garde, ont esté interroguez sur lad. faulte et feiblage, et veue lur confession, iceulx gardes ont esté condempnez en quinze livres tournois d'amende, et led. Hylaire Boilesve à faire bons tous lesd. deniers ainsi feibles et ès fraiz de justice telz que de raison".

1497

1497, 26 janvier
Sentence à l'encontre de Guillaume Acarle, dit de Belac, et Hilaire de Coustures, gardes de la Monnaie de Poitiers, "pour raison d'avoir délivré le feiblage et forsage des deniers d'or faiz en lad. Monnoye par grains et selon les ordonnances ilz les doivent délivrer à estellins et fellins" (Z1b 31 f° 57r°).
"Le XXVIe jour de janvier mil IIIIcIIIIxx et seize Guillaume Acarle, dit de Beslac, et Hillairet de Coustures, gardes de la Monnoye de Poictiers, furent condempnez chacun d'eulx en C sols tournois d'amende envers le roy pour raison d'avoir délivré le feiblage et forsage des deniers d'or faiz en lad. Monnoye par grains et selon les ordonnances ilz les doivent délivrer à estellins et fellins".

1499

1499, 11 mars
Sentence à l'encontre de Guillaume Acarle, dit de Belac, et Hilaire de Coustures, gardes de la Monnaie de Poitiers, "pour raison d'avoir fait faire en lad. Monnoye les petiz deniers tournois de XX solz de poix et ilz doivent estre de XXI solz de poix et aussi pour la faulte qu'ilz ont faicte au débet de l'or" (Z1b 31 f° 86r°bis).
"Ced. jour [11 mars 1499] Guillaume Acarle, dit de Beslac, et Hillaret de Coustures, gardes de la Monnoye de Poictiers, ont esté condempnez et les condempne la Court de céans chacun d'eulx en cent sols tournois d'amende envers le roy pour raison d'avoir fait faire en lad. Monnoye les petiz deniers tournois de XX solz de poix et ilz doivent estre de XXI solz de poix et aussi pour la faulte qu'ilz ont faicte au débet de l'or".

1501

1501, 12 mars
Sentence à l'encontre d'Hilaire Boilève, maître particulier de la Monnaie de Poitiers, pour écharceté de loi trouvé en une boîte d'écus au soleil de son ouvrage. Injonction lui est faite de casser les fers à écus et de prendre un nouveau différent (Z1b 31 f° 138v°).
"Veue l'escharceté de loy trouvée en deux deniers d'or escuz au soleil triez à part d'une boeste de deniers d'or escuz soleil de l'ouvrage fait en la Monnoye de Poictiers par Hilaire Boilève, maistre particullier de lad. Monnoye, depuis le XVe jour de février mil CCCCIIIIxxXVIII jusques au Ve jour de janvier exclud mil CCCCIIIIxxXIX, en laquelle boeste avoit LIX deniers d'or desd. escuz, les LVII d'iceulx escuz jugez droitz de loy et les deux d'iceulx escuz jugez eschars trois quars de karat d'or fin pour marc qui est grandement excédé les remèdes, nous, pour la faulte dessusd., avons condempné et condempnons led. Hilaire Boilève en dix livres tournois d'amende seullement envers le roy et à prendre nouvelle différance et les fers desd. escuz cassez et rompuz et reffaiz aux despens dud. Boilève, par notre sentence, jugement et à droit. Prononcé en la Chambre des monnoyes en la présence dud. Boilève le XIIe jour de mars l'an mil Vc".

1501, 12 mars
Sentence à l'encontre de Guillaume Acarle, dit de Belac, et Hilaire de Coustures, gardes de la Monnaie de Poitiers, pour écharceté de loi trouvé en une boîte d'écus, et parce que "par leurs livres de parchemin ilz ont enregistré les escuz par eulx délivrez en ung marc et ilz doivent estre délivrez en trois marcs, et ont obmis en une délivrance des grans blans à enregistrer la loy d'une desd. délivrances" (Z1b 31 f° 139r°).

"Ced. jour [12 mars 1501] Guillaume Acarle, dit de Belac, et Hilaire de Coustures, gardes de la Monnoye de Poictiers, ont esté condempnez et les condempne la Court de céans chacun d'eulx en cent solz tournois d'amende envers le roy pour de qu'ilz ont délivré les escuz ainsi eschars de loy, aussi que par leurs livres de parchemin ilz ont enregistré les escuz par eulx délivrez en ung marc et ilz doivent estre délivrez en trois marcs, et ont obmis en une délivrance des grans blans à enregistrer la loy d'une desd. délivrances".

1501, 5 mai
Sentence à l'encontre d'Hilaire Mareschau, essayeur de la Monnaie de Poitiers (Z1b 31 f° 141r°).
"Veu par nous les pueilles envoyées par-devers nous des délivrances des deniers grans blans de la Monnoye de Poictiers, en laquelle avoit X deniers desd. grans blans, les essays depuis faiz desd. deniers des boestes d'icelle Monnoye par l'essayeur général des Monnoyes, la confession de Hilaire Mareschau, essayeur de lad. Monnoye de Poictiers, par laquelle appert led. essayeur avoit fait deux essays desd. deniers grans blans dont le premier est venu à IIII deniers IIII grains et demy fin et le second à IIII deniers IX grains et demy fin selon lequel a esté faicte la délivrance desd. deniers, et tout veu et considéré la Court, pour aucunes causes à cela mouvans a remis et remect pour le présent l'amende en quoy pourroit estre encouru led. essayeur envers le roy pour raison de lad. faulte, et luy enjoinct doresenavant de faire le rapport des essays selon les ordonnances, et néantmoins le condempne à paier le voyage de l'[h]uissier qui est allé jusques aud. Poictiers pour faire l'adjournement personnel contre luy, par notre sentence, jugement et à droit. Prononcé aud. Hilaire Mareschau au greffe de la Chambre des monnoyes le Ve jour de may mil cinq cens et ung".

1502

1502, 16 mars
Sentence à l'encontre d'Hilaire Boilève, maître particulier de la Monnaie de Poitiers, Hilaire de Coustures et Abel Chasteignier, gardes, pour écharceté de loi trouvé en deux boîtes d'écus au soleil. Injonction de prendre un nouveau différent (Z1b 31 f° 164v°).
"Veuz par nous les jugemens faiz de deux boestes de la Monnoye de Poictiers, c'est assavoir l'une faicte du XVe jour de janvier mil IIIIcquatre-vings-dix-neuf jusques au XIIIe jour de janvier exclud mil cinq cens, en laquelle boeste avoit quatre-vings-quatre deniers d'or escuz au soleil, jugée escharce ung quart de carat d'or fin pour marc, et l'autre faicte du XXIIIe jour de janvier l'an mil cinq cens jusques au XXVIIIe jour dud. moys exclud mil cinq cens et ung, en laquelle boeste avoit quarante-huit deniers d'or escuz au soleil, jugée escharce cinq XXXIIIe de carat d'or fin pour marc, qui est excédé les remèdes, led. ouvraige fait par Hillaire Boislève, maistre particullier de lad. Monnoye de Poictiers, oy sur ce led. Boilesve et les conclusions prinses en ceste partie par le procureur du roy esd. Monnoyes, nous, pour l'escharceté trouvée esd. boestes et faulte commise par led. Boislève, avons condempné et condempnons icellui Boislève, maistre particullier dessusd., en la somme de dix livres tournois d'amende envers le roy et à tenir prison jusques à plain paiement et satisfacion de lad. somme, et oultre le condempnons à faire bons tous les deniers courans par les bourses et à prandre nouvelle différance, par notre sentence, jugement et à droit. Prononcé ès présences dud. procureur du roy et dud. Boislève le XVIe jour de mars mil Vc et ung".
"Ced. jour Hilaire de Coustures, garde de la Monnoye dud. Poictiers, pour avoir luy délivré lesd. escuz ainsi eschars de loy, a esté condempné et le condempne la Court en cent solz tournois d'amende actendu qu'il a autreffois esté condempné pour semblable cause, et au regard de Abel Chasteignier, aussi garde de lad. Monnoye, actendu qu'il est nouvellement venu oud. office et que s'est la première faulte par luy commise, la Court luy a remis et remecte pour ceste foys l'amende en laquelle il eust peu estre condempné pour raison de lad. escharceté. Prononcé ès présences dud. procureur du roy et desd. de Coustures et Chasteignier le XVIe jour de mars mil cinq cens et ung".

1505

1505, 7 janvier
Hilaire Boilève, maître particulier de la Monnaie de Poitiers, Abel Chasteignier, garde, et Jean Gaillandon, commis de Hilaire de Coustures, l'autre garde. Comparution en la Chambre de monnaies (Z1b 31 f° 227v°).

1505, 15 février
Hilaire Boilève, maître particulier de la Monnaie de Poitiers, Abel Chasteignier, garde, et Jean Gaillandon, commis de Hilaire de Coustures, l'autre garde, ajournés à comparaître en la Chambre des monnaies "pour raisons de certains deniers d'or escuz au soleil faiz soubz la différance de lad. Monnoye de Poictiers grandement eschars et trouvez courans par les bourses" sont élargis sous caution jusqu'au jour de leur prochaine comparution en la Chambre des monnaies. Injonction est faite à Hilaire Boilève de prendre "nouvelle différance, laquelle sera mise et apposée ès fers, pilles et trousseaux sur lesquelz se feront les deniers d'or qui doresenavant se forgeront en lad. Monnoye". Suivent les cautions (Z1b 31 f° 230r°).

1505, 15 février
Hilaire Boilève, maître particulier de la Monnaie de Poitiers, "a prins pour nouvelle différance une petite cocquille à icelle mectre ou lieu où soulloit estre la barre qui estoit sa différence précédente" (Z1b 31 f° 231r°).

1505, 14 avril
Comparution en la Chambre des monnaies d'Hilaire Boilève, maître particulier de la Monnaie de Poitiers, et Abel Chasteignier, garde. Procuration de Jean Gaillandon, commis de Hilaire de Coustures, l'autre garde (Z1b 31 f° 231v°).

1505, 22 avril
Sentence à l'encontre d'Hilaire Boilève, maître particulier de la Monnaie de Poitiers, Abel Chasteignier, garde, Jean Gaillandon, tailleur et commis de Hilaire de Coustures, l'autre garde, "pour raison de plusieurs deniers d'or grandement eschars trouvez courans par les bourses" (Z1b 31 f° 234r° et 234v°).
"Veu par nous le procès fait à la requeste du procureur du roy sur le fait des monnoies, demandeur, à l'encontre de Ylaire Boislève, maistre particullier de la Monnoye de Poictiers, adjourné à comparoir en personne par notre ordonnance pour raison de plusieurs deniers d'or grandement eschars trouvez courans par les bourses, apportés par aucuns changeurs et autres en lad. Chambre, les informacions faictes par Loys Maulevault, clerc commis du greffier de lad. Chambre, avec ung notaire royal par vertu de notre commission à luy adressans et la confession dud. Boislève faictes à plusieurs journées en lad. Chambre par-devant nous par laquelle il appert de la recongnoissance desd. deniers et jugemens d'iceulx qu'il pour agréable et des escharcetez trouvées tant ès deniers de boestes dernières apportées en lad. Chambre que à ceulx trouvez courans par les bourses avec les confession de Abel Chastegnier, garde d'icelle Monnoye, et de Jehan Gaillandon, commis de l'autre garde de lad. Monnoye, ensemble les conclusions dud. procureur du roy et tout ce qui a esté mis et produit par-devers nous et le tout veu et considéré, eu sur ce conseil à saiges, nous avons condampné et condampnons led. Boislève pour raison desd. escharcetez et autres faultes trouvéez esd. boestes contenues oud. procès en la somme de cinq cens livres tournois d'amende envers le roy et à tenir prison jusques à plain paiement et satisfacion d'icelle et à faire bons tous les deniers courans par les bourses de semblable escharceté et si avons déclaré et déclarons les cinquante-neuf escus trouvez courans par lesd. bourses estans en lad. Chambre acquis et confisquez au roy, notred. sire, sur laquelle amende et confiscacion se prandront préallablement les fraiz de justice telz que de raison, la tauxacion d'iceulx réservée par-devers nous, par notre sentence, jugement et à droit. Prononcé aud. procureur du roy en la Chambre desd. monnoies et aud. Hilaire Boilesve en la conciergerie du palais le XXIIe jour d'avril l'an mil cinq cens et cinq".
"Veu par nous les procès faiz à la requeste du procureur du roy sur le fait des monnoyes à l'encontre de Abel Chasteignier, garde de la Monnoye de Poictiers, et Jehan Gaillandon, tailleur et commis pour Hillaire de Coustures, l'autre garde de lad. Monnoye, adjournez à comparoir en personne par notre ordonnance pour raison de plusieurs deniers d'or trouvez grandement eschars courans par les bourses apportez en la Chambre desd. monnoyes par aucuns changeurs et autres, les informacions faictes par Loys Maulevault, clerc, commis du greffier d'icelle Chambre, commissaire par nous ordonné, avec les confessions des dessusd. faictes à diverses journées par-devers nous, les jugemens desd. deniers et de ceulx des boestes de lad. Monnoye, lesquelz ilz ont eu pour agréables avec la confession de Hillaire Boislève, maistre de lad. Monnoye, ensemble les conclusions dud. procureur du roy et tout ce qui a esté mis et produit par-devers nous, et le tout veu et considéré, eu sur ce conseil à saiges, nous avons condempné et condempnons les dessusd., c'est assavoir led. Chasteignier pour raison des faultes et escharcetez contenuz aud. procès et confessions en la somme de XXX livres tournois et led. Gallandon en dix livres tournois d'amende envers le roy et à tenir prison jusques à plain paiement et satisfacion, sur lesquelles sommes se prandront préallablement les fraiz de justice telz que de raison, la tauxacion d'iceulx à nous réservée, et avons ordonné et ordonnons que led. Gaillandon ne se meslera doresenavant dud. office de garde pour led. Hilaire de Coustures, sera adjourné à comparoir en personne en notred. Chambre pour estre interrogué sur les charges, informacions et escharcetez trouvéz esd. deniers, par notre sentence, jugement et par droit. Prononcé aud. procureur du roy en lad. Chambre des monnoyes et aud. Abel Chasteignier en la conciergerie du Palais le XXIIe jour d'avril l'an mil cinq cens et cinq".

1506

1506, 11 mai
Comparution en la Chambre desmonnaies d'Hilaire Boilève, maître particulier de la Monnaie de Poitiers, et Hilaire de Coustures et Abel Chasteignier, gardes (Z1b 31 f° 252v°).

1506, 28 mai
Hilaire Mareschau, essayeur de la Monnaie de Poitiers. Elargi sous caution juratoire (Z1b 31 f° 253v°).

1506, 5 juin
"...pour plusieurs variacions trouvées ès confessions de Hilaire de Coustures, Abel Chastinyer, gardes, et Hilaire Boilesve, maistre particulier de la Monnoye de Poitiers, ont esté envoiez en la conciergerie du Palays" (Z1b 31 f° 254r°).

1506, 15 juin
Abel Chasteignier, garde de la Monnaie de Poitiers, prisonnier en la conciergerie "pour raison de certains deniers faiz soubz les fers d'icelle Monnoye à la nouvelle différance prinse par Hillaire Boislève, maistre particulier de lad. Monnoye, trouvez courans par les bourses, jugez en sa présence grandement eschars et excédans les remèdes". Décision de le soumettre à la question et torture "pour savoir la vérité par sa bouche si lesd. deniers courans par les bourses est ouvraige fait à part" (Z1b 31 f° 254r°).

1506, 15 juin
Hilaire Boilève, maître particulier de la Monnaie de Poitiers, prisonnier en la conciergerie "pour raison de certains deniers faiz soubz les fers d'icelle Monnoye à la nouvelle différance prinse par led. maistre trouvez courans par les bourses, jugez en sa présence grandement eschars et excédans les remèdes". Décision de le soumettre à la question et torture "pour savoir la vérité par sa bouche sy lesd. deniers courans par les bourses est ouvraige fait à part" (Z1b 31 f° 254v°).

1506, 3 juillet
Hilaire de Coustures, garde de la Monnaie de Poitiers. Elargi des prisons de la conciergerie "jusques par nous [les généraux des Monnaies] autrement en soit ordonné" (Z1b 31 f° 256r°).

1506, 14 juillet
Hilaire Boilève, maître particulier de la Monnaie de Poitiers, et Abel Chasteignier, garde, prisonniers en la conciergerie (renvoi du Parlement) (Z1b 31 f° 265v°).

1506, 27 juillet
Abel Chasteignier, garde de la Monnaie de Poitiers, prisonnier en la conciergerie, est rendu comme clerc à l'évêque de Paris, "à la charge du cas privillégié pour luy faire son procès sur le délict ainsi que de raison" (Z1b 31 f° 257r°).

1506, 5 août
Hilaire Boilève, maître particulier de la Monnaie de Poitiers, est mis à la question et torture (Z1b 31 f° 266v°, 17 octobre 1506).

"Atestacion baillée à Hilaire Boilesve. Du XVIIe jour d'octobre mil Vc six. Aujoud'uy Ve jour d'aoust mil Vc six, pour mectre à exécucion la sentence donnée par messieurs les généraulx des Monnoyes à l'encontre de Hilaire Boilesve, maistre particulier de la Monnoye de Poictiers, prisonnier ès prisons de la conciergerie du Palais, à Paris, pour laquelle avoit par eulx esté dit que led. Boilesve, pour le cas pour lequel il est détenu prisonnier esd. prisons pour les causes à plain déclairées en son procès, diroit la vérité par sa bouche et seroit mis en question et torture, a esté admené led. Boilesve en la chambre de lad. question et, ès présences de maistres Denis Anjorrant, Guillaume le Sueur et François de Connam, généraulx desd. Monnoyes, à ce commis par mesd. sires les généraulx d'icelle Monnoye, a esté despou[i]llé, lyé, ataché et estandu à lad. question par le questionneur, lequel Boilesve, ainsi estandu, a dit et déclairé, ès présences des dessusd. généraulx que, combien bien qu'il ait esté escript en son procès que luy estant au lict malade en lad. ville de Poictiers, il a dit [à] Abel Chastignier, l'un des gardes de lad. Monnoye, qu'il fist une délivrance d'or qui estoit à faire durant sad. maladie, si trouvoit led. or aussi bon comme estoient les toucheaulx que led. Boilesve luy avoit baillez et que led. Chastignier fist lad. délivrance quelque chose qu'il deust couster aud. Boilesve, et néantmoins icelluy Boilesve dit à mesd. sires les généraulx des Monnoyes dessusd. nommez qu'il ne pensoit point avoir dictes lesd. parolles audit Chastignier touchant lad. délivrance, et de ce requist lors que icelles parolles fussent rejectées de sa depposicion, lesquelx Anjorrant, le Sueur et Connain luy firent responce qu'il avoit dit et confessé lesd. parolles en la forme et manière qu'elles estoient escriptes en sond. procès contre luy faict et qu'elles n'eussent point esté escriptes en sond. procès si ne les eust ainsi dictes et confessées, après laquelle question a esté couché led. Boilesve devant le feu, lequel a derechief dit qu'il ne pensoit point avoir dictes lesd. parolles, pour et desquelles choses icelluy Boilesve a requis acte, ce que moy, Jehan le Père, greffier desd. Monnoyes, luy ay baillé par ordonnance de messieurs les généraulx d'icelle Monnoye pour luy valloir et servir ce que de raison".

1506, 6 août
Hilaire de Coustures, garde de la Monnaie de Poitiers, prisonnier en la conciergerie "pour raison de certaine escharceté trouvée en plusieurs escuz trouvez courans par les bourses faiz en lad. Monnoye", est élargi et est assigné à résidence à Paris sous caution juratoire (Z1b 31 f° 257v°).

1506, 12 août
Hilaire Boilève, maître particulier de la Monnaie de Poitiers, "pour raison de certains deniers d'or faiz soubz les fers d'icelle Monnoye et sur la nouvelle différance prinse par led. maistre trouvez courant par les bourses grandement eschars et excédans les remèdes" (Z1b 31 f° 258v°).
"Veu par nous le procès fait à la requeste du procureur du roy sur le fait des monnoyes, demandeur, à l'encontre de Hillaire Boilesve, maistre particullier de la Monnoye de Poictiers, prisonnier en la conciergerie du Palais, pour raison de certains deniers d'or faiz soubz les fers d'icelle Monnoye et sur la nouvelle différance prinse par led. maistre trouvez courant par les bourses grandement eschars et excédans les remèdes et dont il a eu les jugemens pour agréables, les informacions faictes en lad. ville de Poictiers par maistres Guillaume le Sueur et François Connam, généraulx desd. Monnoyes, commissaires par nous ordonnez en ceste partie, les confessions faictes par led. Boilesve, maistre, à plusieurs foiz par-devant lesd. commissaires et depuis devant nous, ensemble les confrontacions, les pappiers et registres dud. maistre, ses petiz billetz et les pappiers des gardes d'icelle Monnoye, ung autre procès fait l'année passée à l'encontre d'icelluy maistre et des gardes, les sentences et condempnacions données à plusieurs foiz contre luy, avec le renvoy de la Court et sa confession faicte en la question et torture, ensemble les conclusions du procureur du roy et tout ce qui a esté mis et produit par-devers nous, et le tout veu et considéré, eu sur ce conseil à saiges, à grant et meure délibéracion de conseil, nous, pour raison de lad. escharceté trouvée esd. deniers d'or courans par les bourses et autres escharcetées trouvées ès deniers de sa derrenière boeste apportée par lesd. commissaires et autres choses contenues oud. procès, avons privé et privons led. Boilesve de lad. maistrise et main ferme de lad. Monnoye de Poictiers, et si l'avons déclairé et déclairons inhabille de jamais tenir maistrise ou autre office concernant le fait de monnoye, en luy défendant de ne se trouver aucunement au fait et vaccacion d'aucune Monnoye, et oultre, pour repparacion desd. faultes, l'avons condempné et condempnons en l'amende de la somme de six cens livres tournois envers le roy et à tenir prison jusques à plain paiement et satisfacion d'icelle et si avons déclairé et déclairons les vingt-huit escus trouvez courant par les bourses acquis et confisquez au roy, sur laquelle amende et confiscacion se prandront préallablement les fraiz de justice telz que de raison, la tauxacion à nous réservée, et oultre l'avons condempné et condempnons à faire bons tous et chacuns les deniers courans par les bourses excédans les remèdes faiz soubz sad. différance nouvelle qui est une coquille à la fin des lettres, tant devers la croix que devers la pille, et afin que ceulx qui avoient desd. deniers en puissent recouvrer de bons et aient congnoisssance d'icelle condampnacion, nous avons ordonné et ordonnons que lad. ordonnance sera publiée à son de trompe et cry public en ceste ville de Paris, sur le pont au change, ès villes de Poictiers, Nyort et Fontenay en Poictou, par notre sentence, jugement et à droit. Prononcé en la conciergerie du Palais en la présence dud. Hillaire Boilesve et en l'absence dud. procureur du roy le XIIe jour d'aoust mil cinq cens et six".

1506, 17 août
Sentence à l'encontre d'Hilaire de Coustures, garde de la Monnaie de Poitiers, "pour raison de certains deniers d'or trouvez courans par les bourses grandement eschartz" (Z1b 31 f° 260r°).
"Veu par nous le procès fait à la requeste du procureur du roy sur le fait des monnoyes, demandeur, à l'encontre de Hilaire de Coustures, garde de la Monnoye de Poictiers, prisonnier, eslargy par la ville de Paris, pour raison de certains deniers d'or trouvez courans par les bourses grandement eschartz et jugez en lad. Chambre, dont il a eu le jugement pour agréable, les informacions faictes tant à l'encontre de luy que contre les autres officiers d'icelle Monnoye, ses depposicions faictes tant en la ville de Poictiers par-devant messieurs maistres Guillaume le Seueur (sic) et François de Connan, généraulx desd. Monnoyes, commissaires de par nous depputez comme depuis à plusieurs foiz par-devant nous en lad. Chambre, et celle du maistre, garde et autres officiers d'icelle Monnoyes, les confrontacions, ensemble les lettres de non <...> par led. Coustures produictes et les conclusions du procureur du roy, et le tout veu et considéré, eu sur ce conseil à saiges, nous, pour raison des escharsetez trouvez ès deniers d'or des boestes de l'année mil Vc quatre et mil Vc cinq et ès deniers courans par les bourses dont appert par <... ... ...> ordonné et ordonnons pour ce que led. Coustures n'a point fait de résidance en lad. Monnoye depuis an et demy en çà et n'a excercé sond. office sans avoir sur ce lettres du roy vériffiées en lad. Chambre comme aucune chose ne luy sera allouée ne baillée pour ses gaiges dud. an et demy, et si aucune chose en a eu et receu qu'il le rendra et restitura au receveur des boestes d'icelle Chambre, et oultre l'avons condempné et condempnons pour raison desd. escharcetez en la somme de cent livres tournois et à tenir prison jusques à plain paiement et satisfacion des choses dessusd. et si luy avons enjoinct et enjoignons sur peine de privacion de sond. office de garde que doresennavant il exerce son office de garde en personne et faire résidance en icelle Monnoye s'il n'estoit qu'il eust permission du roy sur ce deuement vériffiée en lad. Chambre, par nostre sentence, jugement et par droit. Prononcé en la Chambre desd. monnoyes en la présence dud. Hillaire de Coustures le XVIIe jour d'aoust l'an mil cinq cens six".

1506, 17 octobre
Certificat de Jean le Père, greffier de la Chambre des monnaies, de la relation de la mise à la question et torture d'Hilaire Boilève, maître particulier de la Monnaie de Poitiers, le 5 août 1506 (Z1b 31 f° 266v°, certificat du 17 octobre 1506, relation du 5 août 1506).
"Atestacion baillée à Hilaire Boilesve. Du XVIIe jour d'octobre mil Vc six. Aujourd'uy Ve jour d'aoust mil Vc six, pour mectre à exécucion la sentence donnée par messieurs les généraulx des Monnoyes à l'encontre de Hilaire Boilesve, maistre particulier de la Monnoye de Poictiers, prisonnier ès prisons de la conciergerie du Palais, à Paris, pour laquelle avoit par eulx esté dit que led. Boilesve, pour le cas pour lequel il est détenu prisonnier esd. prisons pour les causes à plain déclairées en son procès, diroit la vérité par sa bouche et seroit mis en question et torture, a esté admené led. Boilesve en la chambre de lad. question et, ès présences de maistres Denis Anjorrant, Guillaume le Sueur et François de Connam, généraulx desd. Monnoyes, à ce commis par mesd. sires les généraulx d'icelle Monnoye, a esté despou[i]llé, lyé, ataché et estandu à lad. question par le questionneur, lequel Boilesve, ainsi estandu, a dit et déclairé, ès présences des dessusd. généraulx que, combien bien qu'il ait esté escript en son procès que luy estant au lict malade en lad. ville de Poictiers, il a dit [à] Abel Chastignier, l'un des gardes de lad. Monnoye, qu'il fist une délivrance d'or qui estoit à faire durant sad. maladie, si trouvoit led. or aussi bon comme estoient les toucheaulx que led. Boilesve luy avoit baillez et que led. Chastignier fist lad. délivrance quelque chose qu'il deust couster aud. Boilesve, et néantmoins icelluy Boilesve dit à mesd. sires les généraulx des Monnoyes dessusd. nommez qu'il ne pensoit point avoir dictes lesd. parolles audit Chastignier touchant lad. délivrance, et de ce requist lors que icelles parolles fussent rejectées de sa depposicion, lesquelx Anjorrant, le Sueur et Connain luy firent responce qu'il avoit dit et confessé lesd. parolles en la forme et manière qu'elles estoient escriptes en sond. procès contre luy faict et qu'elles n'eussent point esté escriptes en sond. procès si ne les eust ainsi dictes et confessées, après laquelle question a esté couché led. Boilesve devant le feu, lequel a derechief dit qu'il ne pensoit point avoir dictes lesd. parolles, pour et desquelles choses icelluy Boilesve a requis acte, ce que moy, Jehan le Père, greffier desd. Monnoyes, luy ay baillé par ordonnance de messieurs les généraulx d'icelle Monnoye pour luy valloir et servir ce que de raison".

1513

1513, 21 octobre
Condamnation des deux gardes de la Monnaie de Poitiers à payer chacun d'eux une amende de la somme de 100 sols tournois "pour le foiblage qui s'est trouvé en une boeste de deniers grans blans ludovicus de dix deniers tournois pièce estans ès boestes de la Monnoye de Poictiers, dont ont esté faictes plusieurs délivrances, laquelle s'est trouvée feible de VIII, IX, X et XIII deniers". Injonction leur est faite que "doresenavant ilz ayent à faire l'intitulacion de leurs parchemins des délivrances selon l'ordonnance" (Z1b 32 f° 19r°).

1527

1527, 4 septembre
Commission délivrée au clerc de Gilles Jacquet, procureur en Parlement, fils d'Abel Chastignier, garde de la Monnaie de Poitiers, à l'intention des gardes de la Monnaie de Poitiers "pour informer et rapporter sur le transport du billon et du seurachapt de l'or qui se fait aud. lieu de Poictiers" (Z1b 32 f° 89v°).

1528

1528, 13 août
Décision que Jacques de Coustures, maître particulier de la Monnaie de Limoges, Jean Juge, naguère commis, Jean de [la Roche, dit] Vauzelles, garde, et Antoine Cornu, receveur des Aides en l'élection de Poitiers, seront ajournés à comparaître en la Chambre des Monnaies, et que Laurent de Chevenelles, maître particulier de la Monnaie de Poitiers, sera assigné à résidence à Paris et "que ses papiers et registres concernans le fait de la Monnoye de Poictiers et du fait de change qu'il faisoit auparavant qu'il fust maistre de lad. Monnoye seront pareillement saisis et apportez en lad. Chambre [des monnaies]" (Z1b 32 f° 105r°).

1528, 23 août
Voyage d'Oudin Meigret, huissier de la Chambre des monnaies, "pour aller ès villes de Poictiers, Lymoges et Bayonne pour adjourner à la requeste du procureur du roy aucuns officiers des Monnoyes desd. villes" à comparaître en la Chambre des monnaies. Retour le 13 octobre 1528 (Z1b 32 f° 106r°).