Commission des généraux des Monnaies aux gardes de la Monnaie d'Aix-en-Provence pour faire fabriquer en la Monnaie d'Aix-en-Provence la quantité de 500 marcs d'oeuvre de doubles deniers tournois

1544, 13 octobre

Arch. nat., Z1b 10 f° 343v°. Mention

A esté expédié commission par laquelle est mandé aux gardes de la Monnoye d'Aix qu'ilz ayent à faire ouvrer et monnoyer en lad. Monnoye d'Aix dedans le jour et feste de Noël prochain venant la quantité de cinq cens marcz de deniers doubles tournois à I denier VI grains de loy argent-le-roy, qui est de loy I denier IV grains III quartz fin, à II grains de remedde dud. argent-le-roy, et de XVI sols IIII deniers de taille au marc, qui sont IXxxXVI pièces pour marc et XXIII grains et demy chacune pièce, au remedde d'un grain sur le fort et sur le foible chacune desd. pièces, tellement qu'ilz ne soyent plus foibles de III pièces pour marc à la délivrance, et lesquelz deniers doubles seront délivrez par lesd. gardes en IX marcs III poix, chacun desd. poix de troys marcz, en mectant en boeste de LX sols tournois desd. deniers doubles, vallans VI livres d'iceulx I denier double tournois en boeste, et leur est enjoinct ne faillir à faire led. ouvraige et n'excedder lad. quantité de Vc marcs desd. doubles tournois.