|



Autorisation accordée par les généraux des Monnaies à Charles Martin, maître particulier de la Monnaie de Bordeaux, pour faire fabriquer en la Monnaie de Bordeaux des dizains

1539, 14 novembre

Arch. nat., Z1b 9 f° 8v°. Mention

Sur la requeste présentée en la Chambre de céans par Charles Martin, maistre particulier de la Monnoye de Bordeaux, contenant que depuis trois mois en ça nous ayons faict deffences de ne ouvrer et monnoyer deniers dizains qui seroit comme il dict par sad. requeste au préjudice dud. suppliant et de la chose publicq de lad. ville de Bordeaux et des envyrons, parce que en icelle ville de Bordeaux et ès environs ilz ne usent communément que de deniers dizains, requérant à ceste cause luy estre permis faire desd. deniers dizains et convertir des lyardz de Lozanne en deniers doubles tournois jusques à telle quantité que vouldrons ordonner. Considéré le contenu de lad. requeste il est permis aud. suppliant de povoir faire ouvrer et monnoyer des deniers dizains franciscus des poix, loy et cours contenuz ès ordonnances du roy, jusques au temps et terme de la my-caresme prochainement venant, et sont faictes deffenses de par lad. Chambre aud. Charles Martin de ne faire ouvrer et monnoyer aucuns deniers doubles tournoys sur les peines contenues ès ordonnances.