|

Mandement des généraux des Monnaies aux gardes de la Monnaie d'Angers, exécutoire des lettres missives du 25 mai 1523, autorisant la fabrication de testons et demi-testons par l'atelier monétaire d'Angers

1523, 20 juillet

Arch. nat., Z1b 61 f° 110v°. Copie

Arch. nat., Z1b 62 f° 209v°. Copie

Les généraulx conseillers du roy, notre sire, sur le fait de ses monnoyes. Aux gardes de la Monnoye d'Angers, salut. Veues par nous les lettres missives du roy, notred. seigneur, à nous adressans dont la coppie est cy-dessus transcripte. Acomplissez le contenu esd. lettres selon leur forme et teneur en observant et gardant les articles aussi cy-dessus transcriptes ordonnez pour la continuation de l'ouvraige des gros testons que le roy, notred. seigneur, a ordonnez estre faitz en ses Monnoyes et sur la forme dont nous vous envoyons les patrons, tant des gros que des demys, et faictes mectre ès fers sur lesquelz seront monnoyez lesd. gros et demys-testons, tant du costé de la pille que du trousseau, l'ancienne différance de lad. Monnoye. Donné en la Chambre desd. monnoyes, soubz noz signetz, le vingtiesme jour de juillet l'an mil cinq cens vingt-troys.