Mandement des généraux des Monnaies aux gardes et aux officiers de la Monnaie de Bayonne, exécutoire des lettres missives du 9 mai 1523, autorisant la fabrication de liards par l'atelier monétaire de Bayonne

1523, 11 mai

Arch. nat., Z1b 61 f° 108v°. Copie

Arch. nat., Z1b 62 f° 207v°. Copie

Les généraulx conseilliers du roy, notre sire, sur le fait de ses monnoyes. Veues par nous les lettres missives du roy, notred. seigneur, à nous adressans, dont la coppie esy cy-dessus transcriptes. Gardes et autres officiers de la Monnoye de Bayonne. Nous consentons que faictes ouvrer et monnoyer en lad. Monnoye des deniers lyards jusques au nombre et quantité de mil marcs pour ceste foys, qui seront à deux deniers seize grains de loy argent-le-roy, à deux grains de remedde, de dix-neuf solz huit deniers de poix au marc de Paris qui sont deux cens trente-six pièces aud. marc et du poix chacune pièce de dix-neuf grains et demy et au remedde de chacune pièce de ung grain, tant sur le fort que sur le foible, et qu'il y en ait autant de fors que de foibles. Donné en la Chambre desd. monnoyes, soubz noz signetz, le XIe jour de may l'an mil cinq cens vingt-troys.