Lettres missives qui ordonnent la fabrication de liards par l'atelier monétaire de Bayonne

1523, 9 mai

Arch. nat., Z1b 61 f° 108v°. Copie

Arch. nat., Z1b 62 f° 207v°. Copie

De par le roy. Noz amez et féaulx. Anthoine de Chasteauneuf, maistre de notre Monnoye de Bayonne, nous a fait remonstrer que au moyen de la guerre qui a esté en ce quartier là le pouvre peuple ne peult gaigner ne pratiquer comme il a acoustume tant à pescher l'or de la paillolle qui souloit venir en lad. Monnoye en grosse quantité que autrement, tellement qu'il est besoing pour subvenir au peuple faire forger petite Monnoye de lyars, ce que bonnement il ne peult faire pour ce que on n'en forge. A ceste cause voullons et vous mandons que vous donnez congié et permission aud. maistre et officiers de lad. Monnoye de faire forger en icelle telle quantité de lyards que adviserez selon leur pouvoir et permission que leur baillerez, sy n'y faictes faulte ou difficulté. Fait à Sainct-Germain-en-Laye le neufiesme jour de may mil cinq cens vingt-troys. Ainsi signé Françoys, Gedoyn.