|

Mandement des généraux des Monnaies aux gardes et aux officiers de la Monnaie de Saint-Pourçain, exécutoire des lettres missives du 8 mars 1522, autorisant la fabrication de testons et demi-testons par l'atelier monétaire de Saint-Pourçain

1522, 10 mars

Arch. nat., Z1b 61 f° 95r°. Copie

Arch. nat., Z1b 62 f° 196r° et 198v°. Copie

Les généraulx conseilliers du roy, notre sire, sur le fait de ses monnoyes. Veues par nous les lettres missives du roy, notred. seigneur, dont la coppie est cy-dessus transcripte. Gardes et autres officiers de la Monnoye de Sainct-Poursain. Acomplissez le contenu esd. lettres selon leur forme et teneur et faictes mectre ès fers sur lesquelz seront monnoyez lesd. gros testons, tant du costé de la pille que du trousseau, l'ancienne différence de lad. Monnoye et d'aventaige, faictes mectre, tant du costé dud. trousseau que de lad. pille, au commancement des lettres, une petite couronne, et mectez en boeste de XXXVIII sols III deniers desd. gros testons qui sont dix-huit marcs : ung denier, selon et en ensuivant le contenu en l'ordonnance dud. seigneur dont la coppie est aussi cy-dessus transcripte. Donné à Paris en la Chambre desd. monnoyes, soubz noz signetz, le dixiesme jour de mars l'an mil cinq cens vingt-ung.