|
Mandement des généraux des Monnaies aux gardes et aux officiers de la Monnaie de Limoges, exécutoire des lettres missives du 26 octobre 1521, autorisant la fabrication de testons et demi-testons par l'atelier monétaire de Limoges
1521, 6 novembre
Arch. nat., Z1b 61 f° 91v°. Copie
Arch. nat., Z1b 62 f° 194r°. Copie
Les généraulx conseilliers du roy, notre sire, sur le fait de ses monnoyes. Veues par nous les lettres patentes du roy, notred. seigneur, ensemble les lettres missives dud. seigneur à nous adressans dont les coppies sont cy-dessus transcriptes. Gardes et autres officiers de la Monnoye de Lymoges. Acomplissez le contenu esd. lettres selon leur forme et teneur et faictes mectre ès fers sur lesquelz seront monnoyez les gros testons, tant du costé de la croix que du trousseau, l'ancienne différence de lad. Monnoye et d'aventaige, tant du costé dud. trousseau que de la pille faictes-y mectre, au commancement des lettres, une petite couronne. Et mectez en boeste de XXXVIII sols III deniers desd. gros qui sont dix-huit marcs : ung denier. Donné soubz noz signetz le VIe jour de novembre oud. an l'an mil cinq cens vingt-ung.